په هند کې د راشید خان تاریخي کارنامه!

0 206

په هند کې د راشید خان تاریخي کارنامه!
نن ورځ افغان ملي اتل! د افغان کرکټ ملي لوبډلې ځوان او مخکښ لوبغاړي راشید خان ارمان، چې د دویم ځل لپاره د نړۍ په تر ټولو ستر او لومړی درجه د هندوستان کورني کریکټ د ۲۰۱۸م کال یوولسم پړاو سترو تجارتي شل اوریز سیالیو یا IPL کې د سنریزر حیدراباد لوبډلې په ګټه لوبیږي.

نن یې یو ځل بیا نړیوالو ته خپله وړتیا د لوبې په ټولو برخو توپ اچونه، توپ وهنه او ډګر ساتنه کې وښوده، افغان اتل راشید خان لومړی په توپ وهنه کې په ۱۰ توپونو ۳۴ ناسوځیدلي منډې ترسره کړې چې له امله یې مقابلې لوبډلې ته هدف لوړ شو، ورپسې په توپ اچونه کې په څلورو اورونو کې د ۱۹ منډو په ورکولو سره، د سیالې کلکتې لوبډلې ۳ مخکښ لوبغاړي وسوځول، چې له امله یې مقابله لوبډله هدف ته په راسیدو کې بې وسه کړه.

ترڅنګ یې په ډګر ساتنه کې هم ۳ مخکښ لوبغاړي رن اوټ او کیچ اوټ کړل، چې له امله یې مقابلې لوبډلې ونه شوای کړای چې ټاکلي ۱۷۵ منډې هدف ته ځان ورسوي، له همدې امله سنریزر حیدراباد لوبډلې په ډیر غورر سره وکولای شول، چې د یادو سیالیو پایلوبې ته لاره پیدا کړي، چې له امله یې افغان اتل راشید خان ارمان هم د نننی سیالی غوره لوبغاړی هم ونومول شو، د خپلو ټولو افغان ملي اتلانو د لا ډیرو بریاوو په هیله، چې د نړۍ له هرې برخې افغان ملت ته خوښي راوړي.

تحسین طاقت

Comments
Loading...