رېډ لوبډلې په ۱۱۳ منډو ګرین لوبډلې ته ماتې ورکړه

0 33

په هندوستان کې د افغانستان کرېکټ ملي لوبغاړیو يو ځل بيا په دوو ډلو (رېډ او ګرين لوبډله) کې خپلمنځي تمريناتي لوبه وکړه چې په پايله کې يې رېډ لوبډلې خپلې سيالې لوبډلې ته د ۱۱۳ منډو په توپير ماتې ورکړه.
له کرېکټ بورډ نه په خپرو شویو مالوماتو کې زیاته شوې، رېډ لوبډلې لومړی توپ‌وهنه پيل کړه او په ۴۷ اورونو کې يې ټولې ۲۵۱ منډې وکړې.
سرچینه زیاتوي، د يادې لوبډلې د توپ‌وهونکیو له ډلې اکرام علي‌خېل ٦٧, کريم جنت ٦٦ او شفيق‌الله شفق ٢٧ ډېرې منډې وکړې او د ګرين لوبډلې توپ‌اچوونکیو ضيا شريفي څلور، اصغر افغان او وفادار مومند دوه- دوه ويکټې واخيستې.
د ګرين لوبغاړیو په خپله پاڼۍ کې يوازې ١٣٨ منډې وکړې او لوبه يې وبايلله چې په استازيتوب يې منير ٣٤، نجيب تره‌کي ٢٣ او رحمت‌شاه ٢٢ منډې وکړې.
د رېډ توپ‌اچوونکیو شاپور ځدراڼ پنځه، کريم جنت او ضياالرحمن اکبر دوه – دوه لوبغاړي وسوځول او په‌دې سره يې بريا خپله کړه.

Comments
Loading...