د کرېکټ ملي لوبډله روانه میاشت له پاکستان سره لوبه کوي

0 52

افغان کرېکټ ملي لوبډله له نړیوال جام وړاندې د روانې میلادي میاشتې په ۲۴مه نېټه د پاکستان له لوبډلې سره د دوستانه سیالۍ لپاره ډګر ته ښکته کېږي.
دا سیالۍ به د انګلستان په برېسټول ښار کې کېږي، خو د کرېکټ نړیوال جام سیالۍ به د مې له ۳۰مې نېټې په انګلستان او وېلز هېوادونو کې پیل شي.
همدا راز، افغانستان د نړیوال جام د لوبو تر پیلېدو وړاندې یوه دوستانه لوبه د روانې مې میاشتې په ۲۷مه نېټه د انګلستان په وړاندې ولوبېږي، خو افغانستان به خپله لومړۍ رسمي لوبه د جون میاشتې په لومړۍ نېټه د اسټرالیا په وړاندې کوي.
د کرېکټ ملي لوبډله د تېرې جمعې په ورځ د نړیوال جام په سیالیو کې د ګډون لپاره برټانیا ته روانه شوه، خو تر دې وړاندې یې نړیوال جام ته د چمتووالي په موخه په جنوبي افریقا کې ۲۴ ورځې تمرینونه وکړل.

Comments
Loading...