افغانستان اېرلېنډ ته په دویمه لوبه کې ماته ورکړه

0 13

د گلبدین ۶ وېکټو او د شهزاد سلیزې په مرسته افغان اتلانو اېرلېنډ ته په ۱۲۶ منډو ماته ورکړه.
اېرلېنډ پچه وگټله او لومړی یې د ډگر ساتنې پرېکړه وکړه.
افغان اتلانو په دویمه پنځوس اوریزه لوبه کې د اېرلېنډ کرېکټ ملي لوبډلې ته د اووه لوبغاړیو په سوځېدو سره د ۳۰۶ منډو هدف وټاکه.
په افغان اتلانو کې محمد شهزاد د ۸۸ توپونو په لوبولو سره تر نورو ډېرې ۱۰۱ منډې وکړې.
ورپسې رحمت شاه د ۹۰ توپونو په مرسته ۶۲ او نجیب ځدران د ۳۲ توپونو په لوبولو سره ۶۰ مندې وکړې.
حشمت شاهدي هم په توپ‌وهنه کې وځلېد. هغه په ۴۹ توپونو ۴۷ منډې وکړې.
د اېرلېنډ په لوبغاړیو کې مارک ادېیر د لسو اورونو په لوبولو سره درې وېکټې واخېستې او انډې مېک‌براین دوه.
خو په توپ‌وهنه کې د اېرلېنډ هېواد لوبغاړي پاولسټرلېنگ ۵۰، گیري وېلسن ۳۴ او انډریو بلبېرني ۲۰ منډې وکړې.
د افغانستان او اېرلېنډ تر منځ دا لړۍ مساوي شوه، ځکه لومړۍ لوبه اېرلېنډ گټلې وه.

Comments
Loading...