د ژوند ملګري د انتخاب حق/ مهرتاج

ژوند ملګري د انتخاب حق

اسلام ښځېنه او نرینه ته د یو بل په انتخاب کې مساوي حق ورکړی دی،او په دې برخه کې یې له مور او پلار څخه د جبر او زور واک اخیستی دی، د بچو په واده او نکاح کې د مور او پلار حق سمه لارښونه ده.
مور او پلار یوازې په هغه وخت کې د مداخلې حق لري چې لور یا زوی داسې څوک انتخاب کړی وي چې راتلونکي ژوند یې له ګواښ سره مخ کوي، خو که مور او پلار د لور او یا زوی لپاره څوک انتخاب کړي، نو دوی یې د ردولو حق لري، په دې برخه کې شرعي نصوص ډېر دي.

عن ابن عباس رضي الله عنهما : أن جارية بكرا أتت النبي صلى الله عليه وسلم فذكرت له أن أباها زوجها وهي كارهة فخيرها النبي صلى الله عليه وسلم.
وصححه الألباني في صحيح ابن ماجة برقم 1520

له ابن عباس نه روايت دي چې:
یوه پېغله رسول الله صلی الله علیه وسلم ته راغله، ورته یې وویل: پلار مې یو چاته ورکړې یم زما نه دی خوښ، رسول الله ورته وویل، ته واک لرې.
دا حدیث ابن ماجه روایت کړی او البانی صیب صحیح کړی دی( صحیح حدیث)

بُرَيْدَةَ قَالَ: جَاءَتْ فَتَاةٌ إِلَى النَّبِيِّ صَلَّى اللَّهُ عَلَيْهِ وَسَلَّمَ فَقَالَتْ:
(( إِنَّ أَبِي زَوَّجَنِي ابْنَ أَخِيهِ لِيَرْفَعَ بِي خَسِيسَتَهُ، قَالَ: فَجَعَلَ الْأَمْرَ إِلَيْهَا فَقَالَتْ: قَدْ أَجَزْتُ مَا صَنَعَ أَبِي، وَلَكِنْ أَرَدْتُ أَنْ تَعْلَمَ النِّسَاءُ أَنْ لَيْسَ إِلَى الْآبَاءِ مِنْ الْأَمْرِ شَيْءٌ ) ابن ماجه

بلې ښځې شکایت وکړ چې پلار مې د تره زوی ته ورکړې یم، غواړي په ما یې سړی کړي او زما نه دی خوښ، رسول الله صلی الله علیه وسلم يي پلار راوغوښت، جینۍ ته یې واک ورکړ، جینۍ وویل، ای د الله رسوله د پلار په پریکړه راضي یم، ما یوازې غوښتل چې ښځې په دې پوهه کړم چې د ملګري په انتخاب کې یې مور او په هیڅ نه لري.

اوس نو چې موږ د خپلو لورګانو او حتی زامنو څخه دا حق اخلو دا ګناه د چا ده؟
پښتنو! خپل ناوړه دودونه سم کړئ، او له اسلام سره یې مه ګډوئ

Categories: اجتماعي سیاسي,اسلام