د پرمختللو ملکونو د پرمختګ راز څه دی؟ / سرور ستانکزی

د دوه څیزونو په توپیر باید پوه شو؛ د بعضو وطنونو دولتي نظامونه پرمختللي دي، خو ملتونه یې وروسته پاته دي. د بعضو وطنونو دولتي نظامونه او ملتونه دواړه پرمختللي دي. د مثال په ډول په آسیا کې د انډیا، پاکستان او داسې نورو وطنونو دولتي نظامونه پرمختللي، خو ملتونه یې اوس هم د فکري پرمختګ له مخې وروسته پاته دي. بل طرف د اکثرو اروپایي هیوادونو د دولتي نظامونو ترڅنګ ملتونه هم د فکر له مخې پرمختللي دي. همدا علت دی چې نظر اروپایي هیوادونو ته آسیایي ملکونو کې نا امني او د نظامونو د ټوټه کیدلو امکان ډېر وي، دا ځکه چې د ډېرو آسیایي هیوادونو د ملتونو افکار سم ندي، زر تیر ایستل کیږي او په هر ډول منفي کړنو عمل کوي چې هغه عمل یې د وطن او ملت د وروسته پاته کیدو لامل هم ګرځي.
که مونږ غواړو چې د نظام د پرمختګ ترڅنګ د خپل ملت فکري پرمختګ هم ولرو، د دې ستونزې یوازینی حل د تعلیمي کچې لوړوالی دی. مونږ د تیر تاریخ په اوږدو کې ډېر مضبوط دولتي نظامونه لرل، خو هر ځل نسکور شوي او د نسکوریدو علت یې یوازې همدا ؤ چې ملت مو د فکري برمختګ بې برخې ؤ، هر ځل زر تیر ایستل شوي او خپلې پښې یې پخپله وهلي.

Categories: اجتماعي سیاسي